فـ انتهز الفرصة بتلاوة القرآن الكريم .. إلى ما شاء الله .
{ رحت للجامعة .. والتقيت بصديقاتي اللي كل وحده بصوب ،
وعملنا مسح بالجامعة من كثر المشي . . واجتمعنا أخـيرًا
وانطلقنا لمكان المحاضرة التعريفية[كانَ اسبوعًا تعريفيًا]!
لكـن المسؤولين عن المحاضرة ما كانوا موجودين . . !
انتظرنا . . وانتظرنـا . . غريبة !!
بعد فترة رحنا لاستراحة الطالبات "للترووويح" . . [اخذنا فتره طويلة !
كان نفسي اطلّع هالكيس . . الله يرحم القديم
{ بعدها رجعنا لقاعة المحاضرة ، ولحقنا ع الجزء الأخـير والأهم [الحمدلله~
اذن لصلاة الظهر , ورحنا للمصلى ،
بعد الصلاة . . صرنا نسمع البنات اللي توهم داخلين يتكلموا عن تأجيل الدوام بكل ثقة !
خفنا تكون اشاعة من الطراز الثقيل ! فـ سألت احدى القريبات اللي تشتغل بالجامعة ،
وفعلاً . . تأجلت الدراسة ولله الحمد . .
الحين نقدر نستغل كل لحظات رمضان بالشكل المطلوب بإذن الله
راقَ لي شكل الباب ! فـ صوّرته . . اختي الصغيرة لما شافت الصورة قالت ليش صورتيه !! :××:
{ كان يوم شاقّ بالفعل ! طول الاسبوع نرجع البيت واحنا ما نحسّ باجسامنا . .
نتمنى سبات شتوي يحل علينا !!
الحمدلله كان هالقرار في صالحنا . . بس الله يعيننا بعديين :هق:
{ بعد النووومة المريحة ، جلست ع اللاب وتصفحت النت شوي
احب اتابع جديد التصوير في اماكن شتّى ..
هذه صورة من أجمل الصور الرمضانية ، رآئعة بكل تفاصيلها
{ الساعة 3 اروح للمطبخ ، ونبدأ ببعض الطبخات اللي تحتاج وقت
و قُبيل المغرب اجهز الافطار . . اللي يكون خفيف ، و به شيءٌ باردٌ يُؤكل
{ و يحيــن وقت صلاة العشاء والتراويح . .
اذا بروح مع ابوي ، يعني لازم اروح من بكـير ! وهالشي الحمدلله ساعدني اليوم في التصوير
لما دخلت شفت تقريبن 5 حريم . . ورحت لمكاني المُعتاد , في الخلف
وبعد ما صليت تحية المسجد ، لفّيت ، وعطيت الحريم ظهري < أجهز الكاميرا !!>
صورت شوي . . ولفيت ع الحريم اشوف إذا حد التفت لي ! ولمحت حرمه تشوفني بنظرات مبهمة !!
مع ان حركاتي كانت تبيّن انّي اصوّر . . بس ماا عليييّ !!
كـبّر الإمام . . وحان وقت الصلاة !
كنت على وشك رفع يديّ للتكبير !
بس انتبهت ان الحرمه اللي جنبي [كبيرة بالسن]حطت علبتين ماي في موضع سجودي !!!
وهذا صار واحنا نسدّ الصفوف . . !
طبيعي بنزل واحركهم شوي بحيث يكونوا بينّا . .
بس سمعتها تقول بنبرة [عرفت مغزاها] "الـلـهُ أكــبر"
. . يؤؤؤؤ ماباهم !! ولا باخذهم !! بس احركهم ..!!
:cat34:
بعد ما سلّمنا رحت للصف اللي ورااه . . ما ارتحت !!
{ بينما كنت اقرأ القرآن في غرفتي ، دخلت عليّ اختي الصغيرة . . [مـلاّنه] !
عطيتها اوراق وألوان وقلت لها ترسم . . وتطلّع ابداعها !
هالألوان عندي من صف 10 . . ما استخدمهم كثير ض1
وهذي هي النتيجة . . ^.^
{ وقعدت اعدّل الصور . .
{ و اختي عيبتها السالفة :كهكه: !! دخلت مره ثانية وفي يدها كيندر وتقول صورييه !!
. . قعدنا نشكّل ونبدّع . . إلى ان طلعَ معنا هـذا الشكل . .
{ همممم .. هذا الاسبوع تكاثرت فيه الطبخات الفاشلة . .
اليوم سويت بسكويت الشوكولا والفستق . . شكله يشههّي وهو في طَور التنفيذ !
بس بعدين احترقَ سقفُهُ . . . . :sg.4:
{ داريت عن الفشل والاخفاق ، بتصفّح بعض الكتب !!
اهمم شي الازرقاوي اللي عاليمين . . من ايام الطفولة ^^؛
{ احب الكلمات الايجابية ، لها دافع للمُضيّ قُدُمًا :sg.11:
ارددها بالليل ، حتى تثبت في عقلي اللاواعي ، فتنطبق عليّ إن شاء الله
ومرّ يومي بسلام ولله الحمد . . :sg.9:
جزاك الله خير وهج . . أيقضتِ كامرتي من سباتها !!
