|
http://www.up.qatarw.com/up/qatarw_G043gbt0OD.gif ][ ماشاء الله تبارك الله ][ ][ كتآبهـ رائعهـ قصة متميزة ][ ][ تآبعي يآغلآ بدايه موفقه ][ ][ ودي واحترامي ][ http://www.up.qatarw.com/up/qatarw_G043gbt0OD.gif |
مشكورة القصة حلوة واايد
|
بعد غياب قد عدت لكم أكيد تأخرت عليكم واااااااايد ولكن جديدي معي و ما رح أطول عليكم و أتركم مع الجزء الثاني عشر الفصل الثاني و لكن ردودكم بعد ما تقرونه قبل كل شي وقت ممتع مع الجزء بأذن الله تااااااااااااااااااااااااااااااااااااااااااااابع |
..".. الجزء الثاني عشر ..".. ..(( الفصل الثاني )) .. http://www.alamuae.com/gallery/data/...fe43c03b66.jpg صقر لقيته مسقاي ســـم ... مكسور جناحه من أصحابــه .. طايح على الأرض وينزفدم .. ويون من حر ما صابـــه .. حنيت له يوم يتألــم .. والدمع قاطر منأهدابـــه .. أخذت عنه حمول الهــــم .. عاميـــن أراعيه وأشقا بـــه .. ويوم طاب طار وماسلـــم .. قطع وريدي بمخلابــــــــــــــــــــــه.. ((الصمــــــــــــــــــــــــــــــــــــــــتسيـــــــــــــــــــــــــــــــــــد الموقف)) رفع عينه ابووليد و تعلقت عين جاسم بعين ابوه بصدمة تداخلت لنبضاته و ارتعش جسمه بهزة قويةلكيانه ... ابو وليد اليما فارقت عينه عين جاسم تم بجمود يناظر عيون ولده و بقت العيون تحادث بعضها بصمتخارق للجدران ... و الهدوء و حدهيعمر وسط أنفاسهم و دقات قلوبهم أبرقت عيون جاسم بدموعه الدافية و حس بشوقه لأبوه .. أقترب منه و لمه بقوة يشده لصدره ... ابو وليد الي خرت دموعه و كل قواه فما كان بيده غير يبادل ولده بمثل ما لمه لصدره .. تعانقوا ليمن شفت القلوب من البعد و الزعل ... تبعد جاسم و وطى راسه يبوس راس ابوه فكان جاسم أطول من ابوه لطوله الفارغ ... جاسم :_ يبه رضاك اهو راحتي طلبتك . ابو وليد :_ ازعل على العالم و لا على ذخري و اسندي و ولدي الغالي . جاسم الي ابتسم وسط أدموعه :_ الله يخليك لنا يا يبه . ابو وليد وهو يدخل و يتجدم جاسم :_ امسح أدموعك يا جاسم تراك ريال . سكر الباب جاسم و مشى ورى ابوه ليمن وصلوا لصالة و كل منهم استراح بمكانه ابو وليد :_ اشلون مدبر امورك لحالك . جاسم :_ الله يخلي نوف ما تقصر . ابو وليد :_ يبه جاسم اسمعني زين انا عرفت بلي تبي تسويه اليلة و لا تفكر زواجك من بنت عمك اهو سبب رضاي عليك لا بس يا ولدي عمر الظفر ما يطلع من اللحم و انت ولدي و انا ابوك و ان قويت على هموم الدنيا كلها الة هم بعادك عني أنت ضناي و الضنى بعاده صعب باجر لمن تصير ابو رح تعرف معنات كلامي انا جيت اليوم اقول لك الي تشوفه تجدم فيه و عسا كل الخير يكون وياك و ابي فرحك قبل كل الناس اليلة وقفتك ما رح تكون لحالك فتواجدي رح يكون معاك و لكن هشي محد يعرف فيه و ما ابي احد يعرف فيه بوقتها الكل يعرف . جاسم الي ما وسعته الفرحة :_ ما رح اقول مشكور لان الكلام قليل يبه انا كل حلمي كان اشوفك حذالي بخطوتي هذي . ابو وليد :_ ما علينا يا جاسم ابيك تسمعني زين و تحط هلكلام براسك فاهمني. جاسم :_ انت تامر يبه تفضل و مالك الة طيبة الخاطر . ابو وليد :_ تسلم .. يبه جاسم انت الحين جدامك حيات يديدة و في من بهذي الحيات رح يشاركك فيها بحلوها و مرها بسهلها و صعبها و انت ريال و انت الي ينشد فيك الظهر ابيك تحط بنت عمك بعيونك و تصونها مثل ما تصون حالك و اكثر ما ابيك تقصر عليها بشي و لا تتركها بيوم تشكي الباس هذي باجر بأذن الله رح تكون مب بس حرمتك رح تكون أم عيالك .. أنا ما ودي أوصيك يا جاسم لأني أفتخر فيك و أعرفك أنت قدها و زود بس هذا واجبي أوقف معاك بكل خطوات عمرك .. الي ابيك فيه يا جاسم بنت عمك اكيد حاملة عليك بقلبها بعد كل الي طلع منك لها ابيك تحسسها عكس الي سويته . جاسم وهو يبوس يد ابوه :_ يشهد الله كل هذا في بالي و مالك الة طيبة الخاطر و ريم بقلبي قبل لا تكون بعيوني و ان ما شالتها الأرض أنا كلي أشيلها . ابو وليد يربت على كتف جاسم :_ ريحت قلبي و وسعة صدري عسا الله يهنيك بحياتك اخليك انا الحين و تحمل بحالك . جاسم :_ وين يبه ما شبعت منك . ابو وليد :_ العمر جدامنا و رح تكون وياي على طول في أمان الله . مشى ابو وليد و طلع من المزرعة بعد ما زعزع كل القلق و الخوف من قلب جاسم تركه طاير بالفرح .. طلع من الفلة و تحرك للإسطبل الفروس فكان وده بذاك الوقت يطير من الفرح فركب على الفرس المفضل له و تحرك بساحة الفروسية بانطلاق متقن لقيادته بالفروسية المبدعة ... .................................................. .................. تحركوا كل من سامي و زياد لحذال الحجر الي كان متراكم على بعضه عند البحر و كل منهم استراح بهدوء و القوا بنظرهم لأمواج البحر إلي كانت تتلاطم و تتحدى الرياح و ترسم أحلى لوحة لمعاني كثيرة ... اول من تكلم زياد و سامي الي بدى يسمع كل شي من زياد ... زياد :_ اكيد مب عارف انا من وين اعرفك و لا من اكون و لا شنو ابي منك بس كل الي ابي اقوله لك اهو سؤال واحد .. يرضى قلبك يوم و ترضى انت بنفسك تاخذ شي غيرك ملكه ... سامي :_ مستحيل .. اكيد ما رح ارضى . التف زياد ليلتقي بويه سامي :_ انا رح افهمك بكل شي .. انا اكون ولد جيران بيت عمك ابو علي .. احنا بيت ابو مشعل بن فارس . سامي الي تفاجأ :_ هلاااااااا والله ليش ما خبرتني بالأول تردي عاد دوم علي يكلمني عنك و كان ودي أشوفك بس . زياد :_ هلا فيك لي الشرف والله . سامي :_ دام جذي ما رح أسألك من وين تعرفني . زياد :_ هههههه ريحتني لانة الي ابيك فيه اكبر من انك تعرف اشلون عرفتك . سامي :_ خوفتني يا اخي تحجى . زياد :_ لالا لا تخاف و لا شي بس رح اخبرك بشي لازم انت تعرفه قبل الكل . سامي :_ تفضل . زياد :_ انا و سارة بنت عمك نحب بعض . سامي الي انقطع حسه و تعلقت عينه بعيون زياد .. فأنصدم مب عارف شيقول زياد يواصل :_ عارف انكم لبعض محيرين من الصغر و لكن مب كل شي نبيه نلقاه .. سارة يا سامي ملكت قلبي و انا ملكت قلبها و قلوبنا لبعض و ما يقدر أي احد بهلكون يفرقنا لمن خبرتني بموضوعك معاها صدمتني ما اخش عليك جرحتني اكثر من ما صدمتني لكن مب انا الي اجوف ملكي ينأخذ مني و اتم ساكت .. رح اقولها ولاول مرة اقولها جدام الناس هلبنت الي اهي بنت عمك انا احبها و ابيها ولو خسرتها اخسر حياتي كلها .. فحبيت التقي فيك و ابي اعرف انت لك راي ثاني بموضوعك مع سارة او لا . سامي :_ صدمتني . زياد يربت على كتف سامي :_ حاس فيك . سامي :_ بصراحة عمري ما اعتبرت سارة غير اختي و بنت عمي لكن ابوي الي كان يصر على هذا الشي و يجبرني فيه كل لحظة يحاول يفتح معاي هلموضوع و انا اتهرب و مب عارف ليمتى بتهرب .. يعني حتى لو ما ابيها رح يجبوني عليها لكن وجودك ريحني و الحين معناتها مب بس انا الي ارفض هزواج حتى سارة نفسها انا اوعدك ما رح تكونوا الة لبعض و رح تجوف بعيونك انت الي عليك الحين اذا حاس نفسك مستعد تتزوج سارة فروح اطلبها بالوقت الي يريحك و لكن لا تبطي و الله يجدم لكم كل الخير سارة بحسبة اختي و ما اطلب لها الة كل الخير... زياد :_ يعني انت ما تحبها . سامي :_ لو احبها ما كان سمعت الي سمعته مني الحين . زياد :_ عسا يارب لا يهينك بيوم انت ما تعرف اشكثر رح تكون سبب جمع بين قلبين يودن بعض اكثر من أي شي بهدنيا . سامي وهو يبتسم :_ نقول مبروووووووك . زياد الي ادموع الفرح سالت على خدينه ضحك من قلبه :_ لا وين توها الناس بس دام أذنت لنا خلاص قول مبروك . تعانقوا الثنين بكل مودة .. ارتاح سامي من هلموضوع جزئياً .. اما زياد الي مب عارف شيسوي بعمره ودع سامي و ركب سيارته و من الفرح اتصل لجاسم ... جاسم وهو ينزل من على الفرس سرع بنزووله و لمن لقى الي متصل زياد شاله بكل فرحة .... جاسم + زياد بنفس الوقت :_ ألحق يا جسوم .. ألحق يا زيووود . جاسم + زياد :_ ههههههههههههههههههههههه . جاسم :_ يلا انت اول أحلق على شنو . زياد :_ لالا أنت قبل . جاسم :_ قلت انت أول و خلاص ما في نقاش تفضل . زياد :_ حاضر عمي زين اسمع خلاااااااااااااااااص بارك لي بتزووج سارة . جاسم :_ قوووووووووووووووووووول والله . زياد :_ و ربي الي خلقني بتسعة أشهر أقول لك ألتقيت في ولد عمها و كلمته و طلع اهو نفس الشي مجبور عليها و وعدني انه ما تكون ألة لي . جاسم :_ عيل مبرووووووووووووووووووووووووووووووووووك . زياد :_ جسوم لا تصيحني الله يبارك فيك . جاسم :_ اقووووووول مب بس انت معرس هم انا معرس . زياد :_ اووووووووب اشلون نسينا اليلة بتروح بيت عمي صح . تـــــــــــــــــــــــــابــــــــــــــــــــــ ــع |
جاسم :_ اكيد بس مو على جذي انا معرس . زياد :_ عيل ؟؟؟ جاسم :_ توقع . زياد :_ يا اخي انا من فرحتي عقلي مسكر يلا تحجى . جاسم :_ ابوي ياني المزرعة و تصالحنا . زياد :_ كلللللللللللللللللللوووووووووووووش مب جنة الدنيا صايرة معانا مب علينا. جاسم :_ ههههههههه أي والله . زياد :_ زين جسوم اخليك الحين . جاسم :_ لحظة زياد ابيك اليلة تيي ويانا . زياد :_ ليش و ابوك و محمد و وليد . جاسم :_ اكيد بيون بس ابيك انت بعد اشفيك . زياد :_ و لا يهمك يلا في أمان الله . جاسم :_ في حفظه ورعايته . سكروا عن بعض و كل منهم قلبه من الفرح يعمر و الهنى بدرووبهم بعد كل غيوم الحزن الي هطلت بمطرها عليهم ... .................................................. ............................. بعد صلاة العشى كل من بيت أبو طلال و أبو وليد كل منهم بأستعداد لهليلة أما جاسم إلي مب قادر أشلون يثبت قلبه و نفسه على هذا شي زياد كان عنده بالمزرعة و معاه ليوقف وياه بهليلة ... جاسم وهو يلف الشماغ على جنب :_ شتتوقع رح يصير . زياد :_ ما ادري بس اقول اشهلحلا يا ويل قلب ريم لمن تجوفك . جاسم :_ اقول لا تبدي لي يكفيني حمود الحين لمن ينلتقي بالطريج . زياد :_ ههههههههه اكيد الاخ احين ضاربها كشخة . جاسم :_ اقول بلا هذرتك خلنا نمر البيت يلا مشينا . زياد :_ يلا مشينا . .................................................. .................................... هناء إلي بهليلة كانت عند ريم على طلب ريم الخاص .... هناء :_ ريووم عمري عذبتي قلبي قومي لبسي لج شي ما باقي شي و الناس أيون . ريم :_ ليش ألبس أنا ما أبي هلجاسم أصلاً ليش أيي لي أهو مو قال ما يبيني خلاص . هناء :_ قومي زيييييييين بلا هذرج الفاضي عمري كله ما شفت وحدة بيخطبونها تسوي الي تسوينه . ريم تقوم على حيلها و توقف بويه هناء :_ لأنة هلأنسان جرحني يا هناء تعرفين شنو يعني جرحني و شلون تبوني أتقبل أعيش وياه . هناء :_ عسا أن تكرهوا شيء وهوا خيراً لكم . ريم :_ و النعم بالله بس . تقاطعها هناء :_ لا بس و لا غيره يلا جدامي دخلي بدلي و انا بزهب لج الأكسسوارات و الكحلة . ريم :_ ماله داعي . هناء :_ و لا كلمة جدامي . ريم و اهي تضحك :_ لازم . هناء :_ جداااااااامي . ريم :_ زين زين يا مرة ناصر . هناء :_ حماااااااااارة لا تيبين طاريه فديت قلبه . ضحكت ريم و ادخلت تبدل أهدومها .. لولوة و اهي تطل على هناء :_ وينها . هناء :_ تبدل . لولوة :_ و اخيراً وافقت . هناء :_ دامني وراها اكيد بتوافق و غصب عنها . لولوة :_ زين لا تبطون قربوا أيون بيت عمي . هناء :_ ان شاء الله عمتي لولوه . لولوه :_ اكيد عمتج تقولينا و غصب عنج . هناء :_ اقول ذلفي لا اوريج شغلج . اضحك لولوه و اطلعت من الحجرة لطابق الأول وين ما بيتهم يعمر بروايح البخور و المطبخ مليان من الضيافة الراقية و الديوانية لرياييل مجهزة على أتم أستعدادها .................................................. ............................ جاسم إلي وصل لبيتهم و كان محمد يزهب السيارة و رنيم معاه محمد :_ هلاااااااااااااااااا بمعرسنا يااااااااااااااااااااي شو هلحلا . جاسم :_ ههههههههههههههه اقول وين الأهل . محمد :_ جوف هلحلا كله هذي أول من تزهب لك . جاسم وهو يبوس رنيم و يحملها :_ فديت قلبها هذي عمريييييييي. محمد :_ اوب اوب و ريم شنو . زياد من ورى جاسم :_ سكرها ذيك القلب و الروح و النفس و كل شي . محمد :_ ياعينيييييييي. جاسم :_ بدينا اقول وينه وليد . محمد :_ عاد هذا الي بيعطلك مسوي له فلم اكشن مع مرته . جاسم :_ عن اذنكم اروح اجوفهم لا يبطووون . مشى جاسم لداخل بيتهم و التقى بنوف تنزل من على الدرج .. نوف الي اشهقت من شافت جاسم :_ واااااااااااااااااااااااااااااااااو طالع قمر يا ويل قلبي عليك فديتك تعال ابوسك . جاسم :_ وا خزياه عيب استحي اقول وينها امي . ام وليد و اهي تطلع من المطبخ :_ كاني زاهبة باجي اخوك و مرته . نوف :_ جاسم ابوي اليوم يالك المزرعة . جاسم بنكران :_ لا ليش تسألين . نوف :_ اهااا لا بس خبرنها انك اليلة رح تتقدم لريم قلنا يمكن يالك و كلمك . جاسم وهو يبتسم :_ ياليت يلا خلنا نتجدم و وليد يلحقنا . .................................................. ............................... بدور و اهي تحمل جنطتها :_ ياربي الحين نزلة دري بعد الله يعيني . وليد وهو يلتف لها بعد ما ظبط اشماغه و لبس ساعته :_ و من قالج انتي بتنزلين على الدري . بدور تناظره بتعجب :_ شتقصد . وليد :_ ما أكون أنا وليد اذا ما نزلتج على ذراعيني هذول . بدور :_ لااااااااااا تكفى وليد لا تفضحنا . وليد :_ مب شغلي حرمتي و كيفي . بدور :_ وليد . وليد :_ و لا كلمة . بدور :_ زين انا وايد صايرة ثقيلة هليام بسبب الحمال . وليد :_ و انا صاير اشطولي و قوتي يلا جدامي قربي احملج . بدور :_ ماكو . وليد :_ تتحدين . بدور :_ ما اقدر . وليد :_ عيل يلا و لا كلمة . قرب منها و حملها و اهي من حركاته هليام خشت ويها بصدره .. وليد :_ لا تقلبين لي اشماغي . بدور :_ انت الي تبي تحملني تحمل . وليد :_ اكيد بتحمل لانج انتي بتظبطين اشماغي بعدين لمن انزلج . اطلعوا من الغرفة و حمدة ربها لمن بدور لقت الكل طلع و نزلها على راحة على الدري .. أول ما نزلوا ناظرته بدور :_ يلا نزلني . وليد :_ عاجبتني السالفة خلينا لسيارة . بدور :_ حريمتك يلا نزلني . وليد :_ لا . بدور :_ و الله ابجي عليك الحين يلا تكفى لا تحرجني . وليد وهو يضحك نزلها على راحة ... و مشت بدور و مسكها وليد :_ وين وين ظبطي اشماغي .. التفت له و عدلته له و اهي تظبطه من جدام قرب و باسها ... بدور :_ وليييييييد . وليد :_ عيونه . بدور :_ و الله اصبر . ضحك عليها و اطلعوا متشابكين اليدين و مشوا لسيارة متحركين لبيت ابو طلال .. و ين ما الفرح يسري معاهم و يزف احلى معرس لبيت عروسته .................................................. ............. ببيت أبو طلال وين ما كان الكل مستعد و فراس و طلال و ناصر مع ابو طلال بالديوانية لرياييل .. أستأذن ناصر ليقوم يشوف ريم أخبارها .... طلع ناصر و صعد لريم بغرفتها ما كان يعرف أن هناء عندهم و مع ريم بغرفتها فتح الباب بدون ما يدقه و يعلن قدومه .. وين ما كانت ريم تبدل و هناء عند المنظرة تكحل عينها و شالها على كتفيها و شعرها كله مفتوح بطريقة رووووعة ... ناصر وهو يدخل :_ وين عروستنااااااااا . و تستوقف الأنفاس لمن لفت هناء ولقت الي بالدار ناصر اما ناصر الي من حلى هناء تم مندهش و نسى انه لازم ينزل عينه ... هناء بلمح البصر لفت ويها و رفعت الشال تغطي شعرها .. انتبه ناصر و وطى راسه :_ السموحة بس حسبت ريم لحالها . هناء و اهي بتطير على حلاة ناصر اليلة :_ كل واحد بس اهي تبدل داخل . ناصر :_ اذا اطلعت خبريها اني ابيها انتظرها بصالة اهني فوق . هناء :_ من عيوني . ناصر بجرئة :_ تسلم لي عيونج . سكر الباب و طلع و هناء قطت بعمرها على سرير ريم و اهي تنهد متى أتيي ليلتهم و تتهنى ويا هلحلا كله اطلعت ريم و اهي ترفع شعرها انتبهت لهناء ... ريم :_ اشفيييج . هناء :_ سكتييييييي يا معودة دخل عمج هلقمر بالغلط يحسب انتي لحالج . ريم و اهي تلتف لهناء :_ شنهوووووو حلفي شنو صار . هناء :_ صار الي صار يا ويل قلبي طالع اينن اليلة اااااااااااخ متى تيي ليلتنا . ريم و اهي تلف ويها عن هناء و تكمل لبس الأكسسوارات :_ اشلج بالبلاوي خلج مرتاحة و كملي دراستج . هناء :_ ان كان زواجي من هلقمر بلوة و الله ابيها و احلى بلوة بس اقول ابي اجوف انا ولد عمج يصير . ريم :_ و اشلج فيه . هناء :_ شنو اشلي فيه ريل ارفيجتي و ولد اخو ريلي اشلي فيه . ريم :_ لااااااااا مصدقة لي عمرج بعد اقول ذلفي عني لا تزيديني هم فوق همي. قامت هناء و تحركت ناحية وين ما ريم واقفة و لمتها من ورة ... هناء :_ ربج يا ريوووم ما يقدر و يكتب شي الة له حكمة فيه و يمكن الي ما تبينه الحين باجر يكون اساس حياتج و بدونه ما تقدرين تشوفين هدنيا بحلاها خلي أملج بربج قوي و لا تعصبين الأمور . ريم و اهي تلف لهناء و تلمها :_ فديت قلبي الثاني انا احبببببج هنووووووي . هناء :_ و انا اكثررررررررررررررررررر . .................................................. ............... ببيت ابو وليد كان ابو وليد زاهب وهو واقف بغرفته بالطابق الثاني وقف عند البلكونة يناظر السمى .. رفع عينه و قلبه و روحه و دعى من ربه يسعد ولده و يحقق له كل مناه و يبعد عنه كل شر و أذية و طى راسه بدموعه و لكن مسحهم و طلع من غرفتهم و نزل لطابق الأول و طلع ركب السيارة و توجه لبيت أخوه أبو طلال إلي بوجوده رح يصدم الكل .... .................................................. ........................ وصلوا سيارة جاسم و معاه زياد و سيارة محمد و معاه نوف و امه و سيارة وليد معاه بدور و بنتهم رنيم و بركنة كلهم عند بيت أبو طلال ... هناء :_ ريووووووووووم اوصلوا بيت عمج والله لأجوف هلمعرس تعالي زين وريني اياه . اشتعل قلب ريم من داخلها احساس غريب احساس يجبرها تمشي لعند وين ما هناء واقفة لتجوف جاسم .. و لبت هرغبة الي في احساسها و تحركت لعند هناء .. هناء :_ ويييييينه بسرعة اشري لي عليه . ريم الي المحت جاسم بوسامته و شاحت بنظرها بسرعة و اهي تبتعد عن الدريشة :_ الي نزل من السيارة السودة الكزز . هناء :_ واااااااااااااااااااااااااااي ايييييييييييييييييييييييين ياليت القى مثله ريل يا بختج يا ريوووووووووم . ريم :_ والله صعب علي اقرر اشي هذا ما ابيه . هناء :_ ريييييييم اشقلنا .. و تسكت هناء و اهي تشهق ... ريم :_ اشفيج . هناء :_ نسيت اقول لج عمج قالي اقول لج اول ما تبدلين انه ينتظرج بصالة اهني فوق . ريم :_ حلفيييي ياوييييييلج هذا يعصب واايد لمن ينطرونه ما يحب يصبر . هناء :_ يمممممممه شهلورطة . ريم :_ ما عليج انا احلها بس ثواني اجوفه و أييج . هناء :_ أوكي . اطلعت ريم و لقت ناصر بينزل على الدري ... ريم :_ عمي . ناصر :_ توه ما نور المكان توج صاحية تيين لي . تـــــــــــــــــــــــــابــــــــــــــــــــــ ـــــع |
ريم :_ كنت ألبس . ناصر :_ اجوووووف اشهلحلا زين بخبرج بشغلة بسيطة . ريم :_ شنو . هناء :_ ترى يا ريم جاسم رح يجوفج اليلة و رح يقعد معاج . ريم و اهي ترفع عينها بعين عمها :_ ليييش . ناصر :_ هذا طلبه حاب يجوفج . ريم :_ ياربيييييييي ليش يصير معاي جذي . ناصر :_ بلا هلحجي و الي طلبه جاسم ماهب عيب كل واحد يبي يتعرف على الي رح يعيش وياها قبل لا يتم كل شي رسمي و هذا من حقه يطلب مثل هشي . ريم و اهي توطي راسها :_ عمي انا خايفة . ناصر سحب ريم و لمها عند صدره :_ دام عمج معاج و انتي ابحضنه محمية لا تخافين و لا تحاتين الي كاتبه الله رح يصير . ريم و اهي تبجي :_ بس انا ما ابيه افهموني ما ابيه . ناصر وهو يحط اصبعته على ثم ريم :_ اووووووش اشقلنا هذا قسمة و نصيب و هذي كتبتة الله لازم ما نعترض عليها يلا قوي نفسج و انزلي تراهم أوصلوا . ريم و اهي تبتعد عن صدر عمها و تمسح ادموعها :_ ان شاء الله . تركت عمها و مشت مثل الياهل المهموم من صغره لدارها و نزل ناصر وهو يتمنى بس توافق و تعدي هليلة على خير بس حماس زاد و فرحته كبرت لمن عرف هناء بهليلة ببيتهم تحت بديوانية الرياييل وصلوا كل من وليد و راه جاسم و بعده زياد و محمد و أول من رحب فيهم طلال .. و قام الترحيب بيهم لقلوب طيبة و مودة تجمعهم و الكل قلبه مشدود لهليلة يا محلاها اشلون رح تجمع احلى شملين انتظرو كل العيلة جمعهم و لكن الغريب هشملين هل رح يقبلون و يشتاقون لجمعهم كثر اهلهم عند الحريم أوصلوا و من فتح الباب لهم لولوة و قام الترحيب عند الحريم و من بعدها تحركوا لصالة الثانية الي على اليسار الي منيرة بأكمل و أفخم الأنارة و الأثاث ... أم طلال :_ تفضلوا يا يمه حياكم البيت بيتكم و هذي الساعة المباركة يوم أنكم وطيتونا ببيتنا و الله نورتوا يا أم وليد . أم وليد :_ أنور نورج يا أم طلال ولو لا تزعليني عليج يا وخيتي و حنا أهل كلنا واحد ما بينا كلافة . أم طلال :_ من أصلج و طيبج يا أم وليد . لولوة إلي حذال نوف كانت قاعدة .. تلقتها نوف لتسأل عن ريم ... نوف :_ لولوووووووه وينها ريووم . لولوه :_ فوق معاها هناء تجهز حالها . نوف :_ يا ويل قلبي على حرمت اخوي انا . لولوه :_ تصدقين عاد نويف خاطري اتزوج مب بس ريووم . نوف :_ طاع هذي اقول ثقلي لج اشوي . لولوه :_ ااااااااه يا حظي القرد انا . عند الرياييل وين ما كانوا بجمعتهم و بسوالفهم وليد وهو يحسب جاسم :_ ها شنو جاسم الحين . جاسم :_ لا وين توها الناس اصبر اشوي . وليد :_ على امرك بعد انت المعرس و لازم نحترم أوامرك . ناصر :_ هي هي انتوا اشفيكم اتساسرون ما تدرون انه عيب و انا مالي حشيمة بينكم . وليد :_ هههههههه الله يهداك لا نتساسر و لا شي بس أسأل معرسنا جان نبدي بطلبنا قال توها الناس . ناصر :_ أي نعم توها اناس اصبر علينا يا اخي اشفيك . فراس :_ محمد وينه عمي ما نجوف معاكم . سكت كل من ناصر و وليد و جاسم و محمد محمد الي توهق اسبقه جاسم بالحجي :_ الوالد الله يسلمك مشغول بس ان شاء الله ما يبطي بجيته . الكل بدى يناظر جاسم بأستغراب ليش جاسم يحط نفسه بورطة جذي دام ابوه ما بيي معقولة في شي و حنا مب دارين محمد :_ ان شاء الله خير . .................................................. .......................................... ريم و اهي اجهزت على كل الأستعداد باجي تنزل و تكون بوسط بيت عمها ريم :_ والله خايفة هنووي . هناء :_ يلا بلا دلاعتج جدامي . ريم و قلبها بدى يدق بدقات متسارعة ما تدري اشلون توقفها و تهديها مسكت جلابيتها الهادئة إلي كانت بطولها مثل فستان عروس و لايقة عليها ارفعتها بيدها و اطلعت مع هناء .. انزلوا اثنتين و ريم شابكة يدها بين هناء هناء تهمس لريم :_ فجي يدج عاد لا تفضحينا جدام بيت عمج . ريم :_ مو قادرة احس روحي بطيح عليج الحين . هناء :_ اسم الله عليج فيني و لا فيج بس انتي ذكري الله و كل شي رح يكون ابخير بأذنه . ريم :_ لا ألاه ألة الله . انزلوا من الدري و توجهوا لصالة وين ما كان كل من الحريم مجتمعين .. الصالة كان لها عتبتين لتنزلينهم و تدخلينها ... ريم :_ احس اريولي بتنشل . هناء :_ يلا انا معاج و ربي معاج يلا ريووم عمري لا تخافين فديتج . تقوت ريم و انزلت و ادخلت لصالة و بانة بشكلها إلي لفت انتباه الكل و نوف الي تخبلت على حلاة ريم و نعومتها ... مشت بهدوئها و كأنة ملاك يزفها حلاها و يحاوطها من حولها ليمن أوصلت لأم وليد .. و أستقبلتها أم وليد بالأحظان إلي لمتها لصدرها بلمة حنان ... هاج قلب ريم من هلمة و من صدر هلأم الحنون و أبرقة عيونها بالدموع الدافية لطيبة مرة عمها و قلبها الكبير الصابر المتحمل رغم كل الي تلقاه بهدنيا ام وليد :_ هلا يا يمه يا نور عيوني اشلونج عساج بخير فديت قلبج يا يمه ربي يحميج و يصونج . ريم بطيبة قلبها :_ انور نورج يا يمه و انا ابخير نسأل عنج و عن حالج دوووم و يخليج انتي يا يمه طول العمر لنا . المعت عيون ام وليد لطيب ريم و قلبها الحلووو و من كل قلب فرحة و اهي تجوفها انها رح تكون لولدها و نور عمرها جاسم الغالي " ما في احلى من فرحة الأم لمن تلقى أحلى عروس تحمل هطيب كله تلم ولدها على صدرها و تشاركه بهدنيا بحلوها و مرها " .... تلقتها من بعد ام وليد بدور و استقبلتها بدور بأحلى استقبااااال ... ريم المحت رنيم بحظن امها :_ اشلونج يا حبوبة وحشتيني واايد . رنيم :_ انا بخير بس ريم بسألج صج انتي رح تكونين حرمة عمووه جاسم . الكل ضحك على كلام هلبنت الدلوعة و ريم المعت عينها لمن اسمعت هلكلام تقربت و باست جبين رنيم :_ الي يكتبه الله حبيبتي يصير . و من بعدها توايهوا كل من ريم و نوف الي كانوا احلى علاقة بنات عم و بحسبة الخوات .. من بعدها مشت لوين ما رح تقعد و اهي تحس طيبة بيت عمها هدأت من اعصابها اشوي و ريحت نفسيتها .................................................. .............. بهلحظات وصل ابو وليد عند بيت أخوه و ركن سيارته و نزل بقى واقف وهو يعد الدقايق وشلون رح يواجه اخوه ناصر الي حمل ذنب مو ذنبه بين ما كان الرياييل بضحكهم و سوالفهم وليد يهمس مرة ثانية لجاسم :_ شنو الحييييين . جاسم إلي حس ابوه تأخر فرد على وليد :_ اصبر بعد . وليد :_ ليمتى أخرنا اناس اموت و اعرف اشتنطر انت . و يقطع كلامهم دخول ابو وليد عليهم من الباب الخارجي لديوانية ابو وليد :_ السلام عليكم ... الكل يرفع نظره لداخل و ينصدمون و اكثرهم ناصر جاسم يبتسم و يهمس لوليد :_ هذا الي ناطره و من دونه ما يتم شي . وليد بأستغراب :_ يالخوان يعني عندك علم و إدراية . جاسم :_ ههههه . قام الترحيب بأبو وليد و لمن وصل لناصر الكل أنشد للموقف .. و رجف ناصر من هلحظة .. ابو وليد بشوق لاخوه لمه بكل حنان :_ هلا والله بناصر اخوي اشلونك عساك ابخير . الكل اندهش و ناصر مستغرب اكثرهم .. لم اخوه بالمثل و رحب فيه و الكل قعد بمكانه .. جاسم :_ الحين يا اخوي تقدر تتكلم . وليد :_ تتغشمر ويا ويهك دام الحاكم وصل رئيس الوزراء ماله معنى و لا كلمة ... جاسم :_ هههههه يا عيني . محمد يقرص وليد :_ وليدوه شقاعد يصير انا كلش مب فاهم شي مخي مسكر يا خي بليز فهموني جسوم يقول ابوي ما راح له و الحين ابوي ايي اهني . وليد :_ جسوم عرف يلعبها صح و نكر ان ابوي ما راح له . محمد :_ يا عيني على الخوان يصبر لي بس يصدمنة جذي الحين الله يعين انويف و امي لمن يعرفون . وليد :_ زين اوصصص بسك من الهذر باين الوالد بيدخل بالموضوع . محمد :_ يا ويل قلبي قول ان شاء الله . وليد :_ على شنو . محمد :_ انت قول . وليد :_ ان شاء الله . محمد :_ من هذا لخوك المسجين حمود شحليلاته تيي ليلته و يتهنى . وليد :_ مالت عليك اثقل لك اشوي . محمد :_ ان شاء الله عمي . ابو وليد بكلامه يترك للكل يسمعه :_ طلبناك اليوم يا ابو طلال و بقلبنا حاجة و عسا يارب ما تردنا . جاسم المعت الدمعة بعيونه و هاج قلبه مع كل كلمة ينطقها ابوه .. زياد الي انتبه لجاسم و مسك على يده :_ خلك قدها كلنا معاك و حتى ابوك الي تمنيته يكون وياك ما خيبك لمن طلبته . ابتسم جاسم و تم يحضر هلحظة بكل دقايقها و تفاصيلها الي تخط له حيات الله العالم وحده شرح يكون فيها و مخبى بزواياها ابو طلال :_ ما عاش الي يردك يا اخوي مالك الة طيبة الخاطر انت بس سم و الباجي على الله بأذنه . ابو وليد :_ تسلم من أصلك يا ابو طلال حنا اليوم جينا نطلب على سنة الله و رسوله بنتك الله يحفظها و يحميها ريم لولدنا جاسم . سكر عينه جاسم و قطع سمعه يبي يحتفظ بهلكلمة الي ترددت بأذنه ((نطلب على سنة الله و رسوله بنتك الله يحفظها و يحميها ريم لولدنا جاسم .. نطلب على سنة الله و رسوله بنتك الله يحفظها و يحميها ريم لولدنا جاسم .. نطلب على سنة الله و رسوله بنتك الله يحفظها و يحميها ريم لولدنا جاسم )) ... حس الدنيا مب واسعته و كل من حوله يوقف معاه بما تمناه و لكن طلب من ربه ريم تكون وياه و ما تخيبه رغم عارف ردة فعلها الكل هاج قلبه بالفرح ليشتعل شمعة بقلوبهم و ناصر و زياد و وليد و محمد و فراس و طلال كل منهم رسمت البسمة على محياهم .... ابو طلال :_ و حنا على سنة الله و رسوله يا ابو وليد عطيناك . جاسم انزلت دمعته الي حبسها و وطى راسه و مسحها من الفرح .. ابو وليد :_ نقول مبروك يا اخوي . ابو طلال :_ ولو اكيد تقول . و كل من قام يبارك لبعض و اما جاسم الي الكل شاركوه بهلحظة و كل من بارك له و اولهم زياد ... زياد وهو يلم جاسم له بلمة أخوة و احلى ربع من الصغر :_ يا بعد قلبي يا جسووم الف الف مبرووووووووك و عقبال كل الفرح بحياتك اجوفه تتهنى بدنياك يا رب يا احلى خوان و نذل . جاسم وهو يبجي ضحك من قلبه :_ هههههه فديتك زيوود من هذا لك . زياد يهمس لجاسم :_ أوششش لا تفضحنا . محمد :_ درينا درينا ما يبالها . و من بعدها ناصر عمه إلي لمن لمه ما فج منه :_ فديييييييييتك يا متعبني بحياتي كلها و اخيراً صرت معرس يا حليلاتك ربي يوفجك جسوم و يحميك بعيونه الي ما تنام و يهنيك مع ريم و يسعدكم العمر كله . محمد وهو يناظر جاسم :_ و اناااااااااا نسيتيني يا الخاااااااااين ماعليه يا خاني العشرة . جاسم :_ افا عليييييييك تعال المك يا احلى فضولي بالعايلة و احلى من مأذيني بحياتي . محمد :_ تتمنى انت .. و تحرك لم اخوه و من الفرح بجى بدموعه ... محمد :_ نذللل و رح تذل نذل جذي بجيتني . و ضحكوا الكل على هلأخوين الي حملوا كل معاني الأخوة . وليد :_ احم احم اجوف ابو خالد مب امفيس . تـــــــــــــــــــــــــــــابــــــــــــــــــ ــــــــــــع |
جاسم :_ بسكم علي فديتك تعال زين المك . و كل منهم بارك له و بالأخير باس راس ابوه و لمه ... ابو وليد جدام الكل يمسك بكتافين جاسم :_ انت اولدي و مالي غنى عنك و عسا يارب يهنيك بدنيا مع بنت عمك و ماله داعي اوصيك يا لغالي انت قدها و اقدود . جاسم :_ تسلم يبه وقفتك هاي وقفة غالية علي ولو اقدر اردها لك رديتها و اضعاف . ابو وليد :_ تقدر و تسوي اضعافها لمن اجوف الفرحة بمحياك و محيا ريم الغالية . جاسم :_ انت تامر يبه و لك ما طلبت . ابو طلال :_ يبه طلال انشد خواتك يزهبون الضيافة . طلال :_ تامر يبه . و تحرك طلال و طلع من الديوانية من الباب الداخلي و دخل بالصالة الأولة و سوة مسكول للولوه و شيخة و تحرك للمطبخ ... محمد وهو بالديوانية سوة مسكول لنوف على الوعد عشان يبدون يتكلمون .. نوف و اهي تنقز مع المسكول :_ يمه يمه طرش حمود مسكول . ام وليد :_ ان شاء الله يمه . نوف و اهي تقرص بدور :_ يا ويل قلبي بمووت انا فديته جسوم الحين طاير من الفرح . بدور :_ هههههه ربي يسعده والله ريم خوش بنت و زين كله و الحلا الله يهنيهم يارب . نوف :_ الله يسمع منج . ام وليد :_ أي يا ام طلال لي طلب و ما ودي ترديني . التفت ريم لامها و مرت عمها و بدى قلبها يدق و الكل سكت يترقبون الكلام حتى لولوه و شيخة نسوا طلال الي بالمطبخ ينتظرهم ام طلال :_ حاشاني اردج يا ام وليد لج ما تطلبينه انتي امري . ام وليد :_ كلج كرم و اطيب يا ام طلال و هذا الي عهدتج عليه .. حنا اليوم يا ام طلال (( رجفت ريم و مسكتها هناء )) نطلب منج بنتج الغالية ريم حرمة لولدنا جاسم . ريم بقهر تهمس لهناء :_ ما أبيه . هناء :_ أوووش صلي على انبي و ذكري الله . نوف و اهي تهمس لبدور :_ ودي اقوم أيبب الحين . بدور :_ يمه منج ركدي اشوي لا تفضحينا . ام طلال :_ هذي الساعة المباركة يوم أني اجوف بنتي و حشاشة يوفي بحماية جاسم ولدنا و حنا ما نردج في اطلبج يا ام وليد . ريم :_ ياربي و لا كأنة لي راي انا . هناء :_ ريوم عمري انتي تعرفين بواقع زواجج من ولد عمج انه وصية و لازم توافقين لا تعقدين الأمور . هل الحزن على قلب ريم و اجتاحه بجنوده و لكن هل الحزن رح يبقى وياها هليلة باكملها ام من في رح يبادله بالفرح ليعمر بخفوقها (( قدرة ربنا كبيرة و ما حد يعجز من الأمل فيه )) ام وليد :_ بالمبارك يا ام طلال . و كل من الحريم قام اليباب عندهم و طلال الي بالمطبخ لمن سمع رفع دشادشته و قام يرقص و تدخل عليه لولوه ... لولوه :_ هي انت يالمطفوق اشفيك . طلال :_ ها بشري وافقة ريم . لولوه :_ اهي لا قالت أي و لا قالت لا و ساكتة و كل شي تام ابخير بس و علا قلبي احس بداخلها قهر . طلال :_ لا تقولين جذي بس انا تخبلت بيبابكم فكرت اليلة عرسي مب عرس ريووم فديتها . لولوه :_ زين بسك اخبال شمقعدك اهني . طلال :_ لا و امسوية لي حالها ناسية نبي الضيافة . لولوه :_ اوب اوب اشهنسية زين اوكي الحين ازهبها بس كاهوا الحلويات زاهبين تقدر تاخذهم لديوانية . .................................................. ........................................ بالديوانية عند الرياييل جاسم برجوليته :_ عمي . ابو طلال يلتفت لجاسم :_ لبيه و انا عمك تامرني بشي . جاسم :_ لي طلب ما ابيك تردني فيه . ابو طلال :_ امر يا وليدي . جاسم :_ بس ودي لجوف ريم . الكل ناظروا جاسم و ابتسم ناصر من قلبه . ناصر :_ ماله داعي لك ما تطلب هم انا عمها . ابو طلال :_ ههههههه حسبي الله على بليسك يا ناصر بس مثل ما قال ناصر يا جاسم لك ما تطلب البنت صارت من حلالك . ناصر :_ ناخذ لك درب . جاسم :_ الي يجوفه عمي ابو طلال . ابو طلال :_ ناصر خذ له درب و خبر الحريم و عطي ريم خبر تزهب حالها . مسك جاسم يد زياد من الفرح وهو يناظر زياد :_ مب عارف اشلون بقابلها . زياد :_ قوي قلبك و هنيا لك . جاسم :_ تسلم . ناصر يدخل على الحريم :_ أحم أحم يالله . أم طلال :_ حياك ناصر ماكو غريب . ناصر :_ الله يحييج و يبقيج يالغالية بس بغيت ريم من بعد أذنكم . ريم دق قلبها و ناظرت هناء :_ هنوي اكيد هلجاسم يبي يجوفني . هناء :_ قوي قلبج و لا تخافين يلا قومي . ريم :_ تكفين ابيج وياي . هناء :_ ريوم اشفيج عيب اهو يبيج ما يبيني انا يلا جدامي قومي زين عمج ينطرج . ريم :_ ادعي لي . هناء :_ ربي وياج ان شاء الله و قلبي معاج . ابتسمت ريم غصب بلي فيها و مشت لعمها .. اخذها عمها لصالة الأولة ناصر :_ ريم لبسي لج غطى على راسج جاسم يبي يشوفج . ريم :_ يصير لا . ناصر :_ اوصصصصص و لا كلمة ريم ذكري الله يلا تزهبي و انا اناديه يدخل اهني بصالة بس سكروا الستارة الفاصلة عشان الحريم ما ينكشفون لمن يدخل جاسم . ريم بألمها :_ ان شاء الله . ناصر وهو يدخل الديوانية و يفز قلب جاسم :_ حياك جاسم تفضل . جاسم وهو يناظر كل من زياد و وليد و محمد وليد :_ يلا روح و يهنيك ربي . محمد :_ جسوم ادعي لي من هذا لي . زياد :_ هههههه موفق يالغالي . ناصر يهمس لجاسم :_ اعنبوا بتدخل الحرب يلا تفضل . مشى جاسم بخطواته و المعت بملامح ريم بذاكرته من لمن التقى فيها بالمستشفى و تدافعه احساس غريب نفسه نفس الاحساس الي يجتاحه كل ما يهل طاري و ذكرى ريم على باله وصل لصالة و لقى ذاك الملاك إلي كل يوم يمر بطيفه على باله و لكن اليوم جدام ناظره مهاب طيف او سراب او حتى حلم يتلذذ فيه اتركه ناصر و تركوا الجو لهم لحالهم ريم تحسست لدخول احد و ارفعت عينها .. ناظرها جاسم و قلبه بدى يدق مثل دقات ريم الي تخفق بسرعة و كأنهم يتشاركون بالدقات و السكوت و النظرات ريم و أهي تناظر حلا هلأنسان و دقة وسامته عيونه الي تلمع حست بالخجل و وطت راسها جاسم وهو يتقرب ليقعد :_ اسلام عليكم ... ريم بحزنها ناظرته و كأنها تطلب منه يرحمها ولو انه اخر واحد من تطلب منه الرحمة على حالها :_ و عليكم السلام ... ترنم صوتها بأذنه و هاج قلبه لها و المعت عينه لمن تحسس لنبرة الحزن و الرجى بصوتها جاسم وهو يناظرها مب قادر يستوعب اشلون هلأنسانة تزداد حلى يوم عن يوم و كل ما يلتقي فيها تملك سحر عجيب لتعطيه القوة بهلحيات :_ ريم ما طلبت اجوفج لأتعرف عليج كل زوج يتعرف على زوجته بحياتهم و عشرتهم و لكن انا طلبت اجوفج ابيج اليوم تسمعيني و تكفين لا تمنعيني من الحجي و تصدين عني الكل ما فهم موقفي و الكل كان ضدي حملت اكبر همومي و ما رجيت من الغير يحملها معاي .. تحديت كل شي و لكني عرفت الأهم إلي لازم أوصل له رضا ربي علي و رضا اهلي قبل كل شي .. لا تحسبيني جاهل و مب عارف اني لازم ارضي يديتي و يدي بقبرهم بس بسألج يا ريم أنتي تبين ارضاهم و لكن انج تنجبرين على شي ما تبينه صعب او لا ... اندهشت ريم من جاسم و ارفعت عينها تناظره و عجز اللسانها عن الكلام جاسم :_ تكفين جاوبيني لا تسكتين . ريم :_ اكيد اصعب ما بدنيا تكون مجبور على شي ما تبيه و مالك بأرضه . جاسم :_ أنا عانيت و صبرت يمكن تهورت و تسرعت ما حسبت احساب لخطواتي و لتهوري و لكني ندمت ماهب عيب نغلط و نتسرع و لكن العيب نغلط و ما نندم و لا نتعلم من غلطنا .. ريم لا تحسسيني بالذنب انا ابي اوفي لج بوعدي هذا و سمعيه مني قبل أي كلمة رح اقولها لج .. وعد مني لج طول العمر احميج و اصونج و اكون لج الأمان و المرسى أكون من يحس فيج و يخاف عليج قبل أي مخلوق بهدنيا و احطج بعيوني و احرسج اكثر من حالي و هذا وعدي طول العمر لج و ربي يشهد علي ... ريم :_ جاسم . اهتز قلبه لمن سمع اسمه على لسانها :_ لبيه . ريم :_ ما حد عرف يرحمني و لا حد منكم سمعني بيوم اسمحلي اشكي لك ولو انت مب من تمناه قلبي .. انا يا جاسم عشت عمري ابني احلامي من صغري مثل أي بنت و اعيش وياها و انتظر لحظة تحققها لأفرح بفرحها و أتحسس بوجودها و تحققها لي عشت بهدنيا بقلب طيب و قوي يصبر و يتحمل و ما يطلب الة رضى ربه و لكن مب عارفة ليش تجازيت بهذا كبرت حسبت اني بحقق اول احلامي الدراسة و لكن وصية يدي و يدتي اكبر ما دمرني و ضعفني من اداخل هزني بقوة و انا الي كنت ما انهز و لا اعرف لضعف مكان فيني و بقلبي .. انجرحت و تألمت و محد سمعني بجيت و محد مسح لي ادموعي و واساني .. و لكن رضيت بقسمة ربي و قبلت المكتوب لانة هذا قدري و لكن ييت أنت بساهل بخبر سفرك و قسمت القلب نصين انا شنو ذنبي لألقى كل هذا ممكن تقول لي شنو ذنبي و صبرت و ما قلت شي و الحين تقول لي لا تحسسيني بالذنب اذا ما حسستك انت .. انت الي جرحتني احسس من قولي احسس من .. الي صابك جزء مني الي صابني انت انجبرت على شي ما تبيه مثلي و لكن انجرحت مثلي لمن انت سويت الي سويته لي .... جاسم :_ ريم كل منا مجروح و كل من له ألامه ولكن ممكن طلب . ريم :_ جاسم تعبت انا تعبت ما اقدر اوعد و لا اعطي تكفى لا تعذبني ابي بس ارتاح تكفى بس ارتاح ما ابي غير هشي . جاسم :_ لا ريم انتي تقدرين تعطين و توعدين تقدرين تكونين ريم الي لمن لقيتها جفت بعيونها القوة و الصبر الطيبة و العطى الحب و احلى ما يتصف فيه القلب .. صدقيني انا واثق انج اقوى مني و انا ما املكت هلقوى الة منج تكفين علمتيني القوة لا تخيبيني و تفقدينها انتي طلبتج خلينا نكون لبعض لأني و من دون مجاملة أنا يا ريم ... رفعت ريم نظرها :_ انت شنو . جاسم :_ انا يا ريم ابي ارضي يدي و يدتي و فرحج و رضاج و مسامحج لي اهو الي بيرضي يدي و يدتي و ابوي. ترددت هلكلمة بأذنها و أجتاحت قلبها و هزته و حست بالدنيا تحملها لعالم ثاني و حست بقلبها يحمل اكبر رضى لهلأنسان بس اشلون اهي ما تبيه رفعت راسها و لمعت عينها بالدموع ... ريم :_ يمكن اكرهك و ما ابيك و لكن قلبي راضي بنصيبي .. بس ابيك بشي واحد ما ابي غيره . جاسم :_ لج ما تطلبينه . ريم :_ كافي جروح انجرح قلبي منك لا تجرحني اكثر لأني تعبت و ما عدت أتحمل اجروح كثر اجروحي . جاسم ما مسك دمعته بهلحظة و نزلوا على خدينه :_ جرحج اهو جرحي و انا ما بكون الي اجرحج انا بكون الي يداوي هلجروح وعد مني . ريم اتركت العنان لأدموعها :_ تسمحلي ابجي لو هذا بتمنعني منه لأني اعرفك أناني . جاسم يناظرها :_ اكثر ما يريح الأنسان ادموعه اشلون احرمج منها بس سمحي لي أستأذن تحملي بحالج كثر املج بربج كبير ... ريم إلي حست اشلون يروح وهو توه صار معاها و حست لأول مرة تلقى لقلبها أنسان يسمعه و يشاركها بحزنه :_ بس . جاسم يلتفت لها بعد ما قام :_ بس شنو . ريم :_ لا و لا شي . جاسم وهو يبتسم لها :_ لا تخشين شي بس شنو . ريم :_ قلت لك و لا شي . جاسم :_ سمعت انج عنيدة بس لا تفكرين تعندين علي . ريم :_ عليك انت بذات رح اكون اقسى عنيدة . تــــــــــــــــــــــــــــــــــابـــــــــــــ ــــــــــــــــــــــع |
جاسم :_ تتحدين . ريم :_ اذا تقدر اكيد . جاسم :_ عيل هذي قعدة ما رح اقوم الة قبل ما تقولين لي بس شنو . ريم تمر حذاله :_ لا تحسب انك رح تكسر اعنادي في أمان الله . مشت و تركته لحاله وهو يناظرها عصب اشوي من حركتها و لكن وصلته أول أنذار أن عنادها اكبر ما لازم يتحمله فيها .. قام على حيله و تحرك لديوانية وهو يحس براحة بقلبه تعمر لحظة بعد لحظة .. شوف ريم دبت بأوصاله الراحة ولكن حسسته جدامه شي صعب وهو دخوله بقلب ريم فباين صعب يقدر يلقى رضاها بساهل و الله يعينه .................................................. .................... اطلعت ريم بدموعها إلي هزها جاسم بكلامه و اصعدت لدارها .. هناء إلي لمحتها من بين الكل استأذنت و لحقتها لفوق ... هناء دخلت بخوف على ريم بغرفتها لقتها اموطية راسها على دريشة الباب الزجاجي للبلكونة الي بدارها و ادموعها على خدها .... هناء تحركت لها و لمتها لصدرها :_ اشفيج ريوم عمري ليش البجى الحين . ريم :_ ما ابيه والله ما ابيه اكرهه اكرهه اكرهه . هناء :_ ريوم عمري مسحي لي ادموعج و هدي نفسج و خليني افهم منج شي اشصار قولي لي . ريم :_ ما صار شي ما صار شي بس ما ابيه لا تجبروني على شي ما ابيه . هناء ترفع راس ريم بجدية :_ ريم انا اعرفج انتي دوم تظهرين عكس ما بداخلج .. اكيد ارتحتي لجاسم عشان جذي تبين تبينين العكس و تخشين مشاعرج صارحيني لا تخشين مشاعرج ما لها ذنب تكتمينها . ريم بوسط بجيها :_ اذا قلت لج هذي اول مرة اظهر مشاعري الحقيقية مو عكسها انا ما ابيه . هناء :_ زين ليش . ريم :_ ما اقدر اعيش مع الي جرحني ما اقدر . هناء :_ زين قولي لي شنو قالج عشان هلبجي كله . ريم :_ يقول الي يقوله ولو يقعد يبرر كل غلطاته مب انا الي اغفر له مب انا . هناء فهمت جاسم ما كان يبي يجوف ريم عشان يتعرف عليها بل يبي يجوفها ليبين موقفه لها و يعتذر هناء :_ ريم تظنين اهو ليش يبي يشرح لج موقفه و يطلب العذر منج . ريم بعصبية :_ ما ابي اظن و لا رح اعذره يروح يلقى له أنانيين مثله يعتذر منهم بس انا لا تفهميني شنو لا . هناء :_ سمعيني انتي من رح تشاركينه حياته و انتي أول من لجأ لج يشكي همومه لج لا تصدينه اهو يبي رضاج لا تعذبينه زود . ريم :_ ليش كلكم تدافعون عنه و انا مالي حساب ليش تدافعون عن الي ظلمني و انا ليش ما تحسون فيني و تدافعون عني ليش ليش ما تلومونه عمره ما حس فيني ياي يبي رضاي وهو مب مهتم لي يبي رضاي عشان ابوه يرضى عليه حتى برضاي مصلحة له مب علشان خاطري انا . طاحت بحظن ارفيجتها تبجي و هناء تقطع قلبها على حال ريم ريم بحظن هناء :_ يحسب بكلامه رح يهزني او رح يخليني احبه او اتمنى اكون له انا لو جافني الي رح البس ذاك الفستان و امشي احذاله لحياته اليديدة لا يحسب اني راضية انا ما ابيه و خله يفهم هشي الأناني ما أبيه . هناء :_ عمري خلج منه الحين و هدي لي نفسج و ذكري الله ابي اعرف وين ريوم القوية و الصابرة وين راحت . ريم :_ دمروني والله دمروني و لا تسألين وين راحت لا تسألين تكفين يكفيني حسرات على حالي . .................................................. ......................... مضت هليلة على دموع ريم إلي بللت خدينها بألم بقلبها .. و فرحة جاسم بأن ريم موافقة ولكنها فتحت اجروحه لمن حطت الوم عليه و حسسته بالذنب الكل كان يخش عنه اغلاطه ولكن ريم جرحته فيهم لمن واجهته بلي سواه و بغلاطه ولكن اسلوبها زاده اصرار يتحمل كل شي ليعوضها عن كل ما سواه لها بعد السوالف و الضيافة كل منهم ودع الثاني و مضت هليلة و بالردة كان جاسم معاه زياد بالسيارة زياد :_ جاسم اشوفك نص فرحان و نص متضايق . جاسم :_ و لا يهمك لا تحاتي بس ريم كل يوم تعلمني بهدنيا اكثر و اكثر .. كلكم ما حسستوني بالذنب و وريتوني اغلاطي و تركتوني بالغلط غرقان بس اهي واجهتني باغلاطي و حسستني بالذنب و حسستني لازم اصحح كل غلطاتي فإذا غلطاتي مثل ما رح تظلم غيري بتظلمني هم انا و تعذبني ... زياد :_ قاعد تصدمني بهريم باين عليها اذكى منك . جاسم :_ اجذب عليك لو اقول ما ابيها هلبنت كل يوم يزيد اعجابي فيها والله ما خاب يدي لمن وصاني لها . زياد :_ يلا الله يسعدكم و يهنيكم . جاسم :_ بس تدري باين عليها صعب و مب بساهل اوصل لرضاها و قلبها . زياد :_ هذي الحيات مب كل شي بسهل نلقاه . جاسم :_ بس يا زياد انا جرحتها .. جرحتها و حرمتها من اكبر احلامها فصعب ترضى على الي جرحها صعب وايد . زياد :_ لا تفقد الأمل الله برحمته موجود و ريم طيبة صدقني بتعذرك بس لو زعلت عليك بأول الايام من حقها الي سويته ماهب سهل لنسيان . جاسم :_ و النعم بالله . زياد :_ اوب مب جنة وصلنا يلا نلقاك على خير و تصبح على الف خير تحمل بحالك . جاسم :_ على خير و انت من اهل الخير و انت اكثر . زياد :_ لا توصي حريص توصي على شي . جاسم :_ سلامتك . زياد :_ تسلم في أمان الله . زياد :_ بحفظه ورعايته . تحرك جاسم بسيارته لبيتهم و باله مشغوووووول يتذكر كل كلمة من ريم و تهل ادموعه و يتمنى بس لو حذاله العمر كله ليعطيها كل ما عنده و يلقى رضاها اما ريم الي كانت تشاكره الدموع نفسها فكانت تبجي و اهي لامة نفسها بلحافها تحس الدنيا ضاقت بعيونها و كل احلامها انهدمت جدام عينها و هلجاسم صعب تتفاهم معاه بيوم صعب وايد ............... وصل جاسم بيتهم ركن السيارة و نزل أول ما دخل لقى بيتهم كلهم مجتمعين نوف :_ هلا بمعرسنا هلا والله وينك صيفت . جاسم :_ هلا فيج .. وصلت زياد وييت . ام وليد :_ يمه ليش اعيونك حمر جذي . جاسم يرتبك :_ و لا شي يمه تعبان اشوي ابي ارقد اخليكم تصبحون على خير. مشى جاسم و لحقته نوف جاسم :_ اشعندج ياية معاي . نوف :_ اوووووص اول شي شخبار جوفتك لريم . جاسم :_ نوف انا حدي تعبان ما رح اقدر اتحجى باجر بالصبح يصير خير . نوف :_ طردة اهي . جاسم :_ لا لا تقولين جذي بس صج تعبان . نوف :_ اوكي تصبح على خير . جاسم :_ و انتي من اهله . نوف و اهي تنزل من على الدري تلقتها رنم تركض لها :_ عمتوو ابي ارقد معاج . بدور :_ لا ماما عيب و سريرج منوا له . وليد :_ بدور خليها على راحتها .. بابا حبيبي روحي رقدي مع عمتج . نوف و اهي تحمل رنيم و تضحك :_ الله عينج يا بدور مظبطها عدلة . بدور تلف لوليد :_ وليد ليكووووون . وليد :_ لا طالعيني مالي شغل ما عندي شي و انتي يا نوفوه السوسة بذبحج صبري لي . اشردة نوف معاها رنيم .. و من وراهم اصعدو بدور و وليد اول ما وصلوا غرفتهم وليد و بدور .. بدور قعدة على لاكرسي و اهي تعبانة بالحيل من الثقل تقرب من حذالها وليد :_ عمري تعبانة ؟ بدور و اهي من ألمها بالظهر تمسك على يد وليد :_ اشوي حبيبي بس ماله داعي احين اتسطح و ارتاح . وليد :_ شكلج عمري تعبانة اخذج المستشفى . بدور :_ ماله داعي حبيبي بس ساعدني اقوم لسرير . وليد يمسكها :_ يلا عمري قومي بالراحة اشوي اشوي . وصلت بدور و ريحت على السرير .. وليد بدل و يا على السرير احذالها اخذ راسها و حطاه على صدره و حط يده على شعرها يمسح عليه بدور :_ حبيبي ادري خايف علي بس بشهور اثقل طبيعي هلألام لا تحاتيني . وليد :_ ليته فيني و لا فيج . بدور تحط اصبوعها على ثم وليد :_ اوووش لا تقول جذي . وليد :_ انتي الي اووش و ريحي لج لا تعبين حالج . .................................................. ................................................ بدأت رحلة جاسم بوصوله لقلب ريم فهل رح يوصل ؟ هل رضا ريم على جاسم رح يتحقق ؟ جاسم اشلون رح يواجه زعل ريم معاه ؟ وشلون حياتهم رح تكون ؟ زياد و سارة و مصيرهم بعد احلى بشارة تعلن بقربهم لبعض هل رح ينجمع شملينهم ؟ أحداث و أحداث و تسؤلات واااايد كل هذا رح تعرفونه لمن تتابعون معاي بالأجزاء أبقوا منتظرني بالجزء الثالث عشر تحياتي لكم .. هدباء .. |
البارت رووووووووووووووعه وأكثر من أنه يوصف........
أبدعتي فيه وإذا كان كل تأخير ينتج عنه هالروعه.... فحلالك تأخري....... |
يعجز لساني عن وصف الجزء اكثر اكثر من رااااااااااائع تسلم يدج ... و يلا ننتظر الجزء اللي بعده و ياريت ما تطولين علينا " " " بدأت رحلة جاسم بوصوله لقلب ريم فهل رح يوصل ؟ ما اعتقد راح يوصل بسهولة هل رضا ريم على جاسم رح يتحقق ؟ اتوقع ما راح ترضى عليه الا بعد ما تطفشه و تيننه جاسم اشلون رح يواجه زعل ريم معاه ؟ ما ادري بس اتوقع راح يعطيها و يسوي لها كل شي تبيه و يعطيها كل شي في خاطرها قبل ما تطلبه وشلون حياتهم رح تكون ؟ امممم دائما متفارقين و كل منهم يعز الثاني بس يكابر زياد و سارة و مصيرهم بعد احلى بشارة تعلن بقربهم لبعض هل رح ينجمع شملينهم ؟ امممممم يمكن سامي يساعدهم تسلمييييييييييييييييييييييين على الجزء الروعة و لا تطولين علينا بلييييييييييييييييييز الله يحرمنا من جديدج ننتظرج تحياتي الفراشة الهائمة |
| الساعة الآن 03:53 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.